பள்ளி பாடல்

எல்லையறு இறையேற்றமுறு துணை வேண்டியெம் வாழ்த்துரைத்தோம்

நல்லருள் பாளித்து நலமுடன் காத்திடு நாயனே யா-அல்லாஹ்

வல்லவன் நீயே வளமுடன் கல்வியை வழங்கிடு யா-அல்லாஹ்

( எல்லையறு )

அமரர் பணியும் அளவுக்கு அறிவை ஆதத்துக்களித்தாயே

அது போல் எமக்கும் அகிலம் பணியும் அறிவைத் தா அல்லாஹ்

இக்ரஃ என்று இறைத்தூதருக்கு ஏகிய இறையோனே

ஈருலகெங்கும் ஏற்றம் காணும் அறிவைத் தா அல்லாஹ்

( எல்லையறு )

அறிவுடன் ஈமான் அருங்குணப்பண்புகள் அனைத்தையும் தா அல்லாஹ்

அறிவினைப் பெருக்கி ஆற்றலை வளர்த்து அருள் புரிவாய் அல்லாஹ்

அறிவூட்டும் அதிபர் ஆசான்களுக்கு பணியும் பண்புடனே

நெறியுடன் வாழ்வை வளமுடன் ஆக்க வகை புரிவாய் அல்லாஹ்

( எல்லையறு )

இதயம் கவரும் பசுமை நிறையும் ஈலத்தின் மத்தியிலே

உதயமாகி அறிவொளி பரப்பும் “ஹிக்மா” கலைக்கூடம்

அகிலம் எங்கும் அறிவொளி பரப்ப வேண்டுமென நாங்கள்

இதயம் உருகி பிராரத்திக்கின்றோம் ஏற்றருள்வாய் அல்லாஹ்

( எல்லையறு )